Евгений Хоришко Россиянинг Самарқанддаги бош консули этиб тайинланди
Россия Ташқи ишлар вазирлиги матбуот хизматининг хабар беришича, Евгений Викторович Хоришко Россиянинг Самарқанддаги бош консули этиб тайинланди.
Евгений Хоришко 1965 йилда туғилган. 1987 йилда СССР ТИВнинг Москва давлат халқаро муносабатлар институтини (МГИМО) тамомлаган. У 2-даражали Фавқулодда ва мухтор элчи дипломатик рангига эга (2022 йил июнь ойида берилган).
У фаолияти давомида Россия ТИВ марказий аппаратида ва хориждаги ваколатхоналарда турли лавозимларда ишлаган. Жумладан:
2020–2022 йилларда — Россиянинг Клайпедадаги (Литва) бош консули;
2022–2024 йилларда — Россия ТИВ Шимолий Америка департаменти бош маслаҳатчиси;
2024 йил декабрь ойидан буён — Россия ТИВ Шимолий Атлантика департаменти бош маслаҳатчиси лавозимларида ишлаб келган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг