Endi maktab tomidan chakki oʻtmaydi
Yogʻin-sochinli kunlarda Vobkent tuman markazida joylashgan 1-umumtaʼlim maktabi oʻqituvchilari yurak hovuchlab turishardi.Negaki, maktab binosi tomidan chakki oʻtar, yomgʻir yoqqanida ayniqsa, sport zaliga kirgan kishining dili xufton boʻlardi.
Sinfxonalar yetishmasligi tufayli darslarning ikki smenada oʻqitilishini aytmaysizmi?!
Nihoyat, bu noxush holga chek qoʻyiladigan boʻldi. Tuman hokimligi saʼy- harakati bilan maktab binosida qurilish-taʼmirlash ishlari boshlandi. Bu yerda viloyat hokimligi huzuridagi “Yagona buyurtmachi” injiniring kompaniyasi loyihasi asosida salkam 5,5 milliard soʻm mablagʻ sarflanadi.
Tamoman yangi qiyofa kasb etadigan maktab binosi mamlakatimiz mustaqilligining qutlugʻ 30 yilligi bayrami arafasida foydalanishga topshiriladi.
Istam IBROHIMOV,
(“Xalq soʻzi”)
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring