— Jons Xopkins universiteti maʼlumotlariga koʻra, shu paytgacha dunyoda COVID-19ni yuqtirib olganlar soni 1,38 mln. nafarga, sogʻayib ketganlar 292 ming nafarga yetgan boʻlsa, hayotdan koʻz yumganlar 78 mingdan oshib ketdi;

— JSST koronavirus pandemiyasi tugashi muddatini prognoz qilishga hali vaqtli ekanligini maʼlum qildi;

— Xalqaro mehnat tashkiloti xabariga koʻra, pandemiya tufayli cheklovlar 2,7 mlrd. ishchi-xodimlarga taʼsir etgan.

Yevropada:

— Italiyada oʻlim holatlari darajasi yuqoriligicha qolayotgan boʻlsa-da, yuqtirish soni qisqarmoqda;

— Buyuk Britaniya bosh vaziri Boris Jonsonning holati barqaror. U sunʼiy nafas berish apparatiga ulanmaydi, siyosatchiga kislorod niqobining oʻzi kifoya ekanligi aytilyapti.

— Yevropa ittifoqi dunyoda koronavirusga qarshi kurashish uchun 15 mlrd. yevro mablagʻ yigʻadi.

AQSHda:

— Tramp JSSTning pandemiya sharoitidagi faoliyatini tanqid qildi;

— Nyu-York gubernatori shtatda kamida 5489 kishi koronavirusdan vafot etganini maʼlum qildi.

Boshqa hududlarda:

— Isroil sogʻliqni saqlash vazirligi mamlakat fuqarolari 12-apreldan boshlab uyidan tashqarida niqob taqib yurishga majbur ekanliklarini maʼlum qildi, oʻz navbatida karantin choralarini kuchaytirish boʻyicha qaror qabul qilindi;

— Xitoyda yanvardan buyon birinchi marta sutka davomida koronavirusidan hech kim vafot etmadi, hukumat Uxan shahriga kirish yoʻllarini ochdi.