— Жонс Хопкинс университети маълумотларига кўра, шу пайтгача дунёда COVID-19ни юқтириб олганлар сони 1,38 млн. нафарга, соғайиб кетганлар 292 минг нафарга етган бўлса, ҳаётдан кўз юмганлар 78 мингдан ошиб кетди;

— ЖССТ коронавирус пандемияси тугаши муддатини прогноз қилишга ҳали вақтли эканлигини маълум қилди;

— Халқаро меҳнат ташкилоти хабарига кўра, пандемия туфайли чекловлар 2,7 млрд. ишчи-ходимларга таъсир этган.

Европада:

— Италияда ўлим ҳолатлари даражаси юқорилигича қолаётган бўлса-да, юқтириш сони қисқармоқда;

— Буюк Британия бош вазири Борис Жонсоннинг ҳолати барқарор. У сунъий нафас бериш аппаратига уланмайди, сиёсатчига кислород ниқобининг ўзи кифоя эканлиги айтиляпти.

— Европа иттифоқи дунёда коронавирусга қарши курашиш учун 15 млрд. евро маблағ йиғади.

АҚШда:

— Трамп ЖССТнинг пандемия шароитидаги фаолиятини танқид қилди;

— Нью-Йорк губернатори штатда камида 5489 киши коронавирусдан вафот этганини маълум қилди.

Бошқа ҳудудларда:

— Исроил соғлиқни сақлаш вазирлиги мамлакат фуқаролари 12 апрелдан бошлаб уйидан ташқарида ниқоб тақиб юришга мажбур эканликларини маълум қилди, ўз навбатида карантин чораларини кучайтириш бўйича қарор қабул қилинди;

— Хитойда январдан буён биринчи марта сутка давомида коронавирусидан ҳеч ким вафот этмади, ҳукумат Ухань шаҳрига кириш йўлларини очди.