Buloqboshi tumanidagi podstansiyada sodir boʻlgan yongʻin bartaraf etildi — Energetika vazirligi
Иллюстратив фото
Buloqboshi tumanidagi podstansiyada sodir boʻlgan yongʻin bartaraf etildi. Hudud isteʼmolchilari elektr energiyasi bilan toʻliq taʼminlandi.
Soat 22:30 da Andijon viloyatining Buloqboshi tumanidagi 35/10 kVli “Buloqboshi” podstansiyasida yongʻin chiqqan.
1-transformatorning yonishi natijasida ushbu hududdagi 1000 ga yaqin isteʼmolchilar elektr taʼminotidan uzilgan.
Yongʻin Favqulodda vaziyatlar boʻlimi tomonidan qisqa vaqt ichida oʻchirilgan.
Elektr taʼminotidan uzilgan isteʼmolchilar soat 23:45 da podstansiyadagi 2-transformator orqali tarmoqqa toʻliq ulangan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring