“Barselona” qiyin gʻalabani qoʻlga kiritdi
Kecha, 7-mart kuni futbol boʻyicha Ispaniya La Ligasining 27-turidan oʻrin olgan bahslar davom ettirildi. Kun doirasidan oʻrin olgan uchrashuvda “Barselona” jamoasi Bilbao shahrida “Atletik” klubi mehmoni boʻldi.
Uchrashuv 0:1 hisobida “Barselona”ning gʻalabasi bilan yakunlandi. Birinchi boʻlimda jamoalar teng oʻyin namoyish etishdi. Har ikki jamoa boʻlim davomida 3 tadan xavfli vaziyat yaratdi. Ammo hisob ochilmadi.
Ikkinchi boʻlimning 68-daqiqasida Lamin Yamal oʻyin taqdirini hal qiluvchi golni kiritdi. Bu Yamalning joriy mavsum La Ligadagi 14-goli boʻldi.
Ushbu gʻalaba evaziga “Barselona” jamoasi turnir jadvalidagi ochkolari sonini 67 taga yetkazib oldi va oʻzining asosiy taʼqibchisi “Real Madrid“dan 4 ochkoga uzilib ketdi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring