“Барселона” қийин ғалабани қўлга киритди
Кеча, 7 март куни футбол бўйича Испания Ла Лигасининг 27-туридан ўрин олган баҳслар давом эттирилди. Кун доирасидан ўрин олган учрашувда “Барселона” жамоаси Бильбао шаҳрида “Атлетик” клуби меҳмони бўлди.
Учрашув 0:1 ҳисобида “Барселона”нинг ғалабаси билан якунланди. Биринчи бўлимда жамоалар тенг ўйин намойиш этишди. Ҳар икки жамоа бўлим давомида 3 тадан хавфли вазият яратди. Аммо ҳисоб очилмади.
Иккинчи бўлимнинг 68-дақиқасида Ламин Ямаль ўйин тақдирини ҳал қилувчи голни киритди. Бу Ямалнинг жорий мавсум Ла Лигадаги 14-голи бўлди.
Ушбу ғалаба эвазига “Барселона” жамоаси турнир жадвалидаги очколари сонини 67 тага етказиб олди ва ўзининг асосий таъқибчиси “Реал Мадрид“дан 4 очкога узилиб кетди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг