Avtobusdagi yongʻin bartaraf etildi
Bugun, 29-aprel kuni soat 13:54 da Toshkent shahar Yakkasaroy tumani “Rakat” mahallasi “Muqumiy” koʻchasida 2-yoʻnalishdagi harakatlanib ketayotgan “Mercedes-Benz” rusumli avtobusda yongʻin sodir boʻlganligi toʻgʻrisida tuman FV boʻlimiga xabar kelib tushgan.
Shunga koʻra 2 ta yongʻin-qutqaruv ekipaji voqea joyiga soat 14:01 da yetib borib, yongʻin soat 14:08 da oʻchirilgan.
Yongʻin oqibatida avtobusning motor qismi yonib zararlangan.
Hodisa oqibatida tan jarohati olgan va halok boʻlganlar yoʻq.
Yongʻin sababi va keltirilgan moddiy zarar miqdori mutaxassislar tomonidan aniqlanmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring