Автобусдаги ёнғин бартараф этилди
Бугун, 29 апрель куни соат 13:54 да Тошкент шаҳар Яккасарой тумани «Ракат» маҳалласи «Муқумий» кўчасида 2-йўналишдаги ҳаракатланиб кетаётган «Mercedes-Benz» русумли автобусда ёнғин содир бўлганлиги тўғрисида туман ФВ бўлимига хабар келиб тушган.
Шунга кўра 2 та ёнғин-қутқарув экипажи воқеа жойига соат 14:01 да етиб бориб, ёнғин соат 14:08 да ўчирилган.
Ёнғин оқибатида автобуснинг мотор қисми ёниб зарарланган.
Ҳодиса оқибатида тан жароҳати олган ва ҳалок бўлганлар йўқ.
Ёнғин сабаби ва келтирилган моддий зарар миқдори мутахассислар томонидан аниқланмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг