Andijonda 3 ta mashina ishtirokida YTH sodir boʻldi
Foto: Andijon viloyat YHXB
Bugun, 31-may kuni Andijon shahrida “Cherry” va “Matiz” rusumli transport vositalari ishtirokida YTH sodir boʻldi. Bu haqda viloyat YHXB axborot xizmati xabar berdi.
Qayd etilishicha, Д.Эшон koʻchasida 27 yoshli haydovchi “Cherry” rusumli transport vositasini boshqarib borish davomida orqasidan oraliq masofani saqlay olmay oʻzi bilan bir yoʻnalishda harakatlanib ketayotgan “Matiz”ning orqa qanot qismiga borib urilgan.
Oqibatda “Matiz” haydovchisi boshqaruvni yoʻqotgan va “Cobalt” rusumli transport vositasi bilan toʻqnashib, yoʻl-transport hodisasi sodir etgan.
Viloyat YHXBga koʻra, ushbu YTH oqibatida hech kimga tan jarohati yetkazilmagan, transport vositalari texnik shikastlangan.
Hozirda holat yuzasidan Andijon shahar IIOFMB YHXB xodimlari tomonidan surishtiruv ishlari olib borilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring