890 nafar bitiruvchi ish bilan taʼminlanadi
Bu yil Toshkent davlat agrar universiteti Andijon filialini 1097 nafar bitiruvchilar tamomlaydi. Ulardan 207 nafari hozirdan muqim ish joyiga ega. Biroq, 890 nafar bitiruvchilarning taqdiri nima boʻladi? Institutda boʻlib oʻtgan “Hokim va yoshlar” tadbirida bu savol ham oʻz yechimini topdi.
— Bu galgi uchrashuv rasmiyatchilikdan xoli boʻldi, — deydi talaba Nargizaxon Abdullayeva.-Hokimlar tumandagi imkoniyatdan kelib chiqqan holda bitiruvchilarni ishga taklif qildilar. Shaxsan men Shahrixon tumanida qishloq xoʻjaligi sohasida mehnat faoliyatimni boshlaydigan boʻldim.
Hokimlarning ishonch bildirishlaricha, bitiruvchilar uch kun muddat ichida doimiy ish joyi bilan taʼminlanadilar.
Saminjon HUSANOV,
“Xalq soʻzi”
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring