2020-yil AQSH tarixidagi eng halokatli yil boʻldi
Oʻtgan yil AQSH tarixidagi eng halokatli yil boʻldi. Bu haqda AQSH kasalliklarni nazorat qilish va oldini olish markazi (CDC) maʼlumotlariga tayanib “Politico” gazetasi xabar bermoqda.
Amerika regulyatori maʼlumotlariga koʻra, 2020-yilda AQSHda 3 milliondan ortiq odam vafot etdi. COVID-19 tufayli mamlakatda oʻlim soni 15 foizga oshdi. Shuningdek, ushbu omil saraton va yurak xastaliklaridan keyin eng koʻp oʻlim holatlariga sabab boʻlgan.
CDC xabar berishicha, 2020-yilda AQSHdagi oʻlim holatlari soni 1918-yildan buyon eng yuqori koʻrsatkichga oʻsdi. Maʼlumki, Birinchi Jahon urushi davrida yuz minglab odamlar grippdan vafot etgan . Maʼlumot uchun, 2019-yilda oʻlim darajasi 2018-yilga nisbatan 1,2 foizga kamaygan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring