ЖССТ коронавируснинг оғир шаклини даволаш бўйича янги тавсия берди
Жаҳон соғлиқни сақлаш ташкилоти (ЖССТ) бир қатор тадқиқотлар натижаларига асосланган ҳолда коронавируснинг оғир шаклини бошдан ўтказаётган беморларни даволашда кортикостероидлардан фойдаланишни тавсия қилди.
“Биз кортикостероидларни “Covid-19”нинг жиддий ва оғир шаклига чалинган беморларни даволаш жараёнида мунтазам равишда фойдаланишни тавсия этамиз”, дейилади ЖССТ расмий сайтида берилган хабарда.
Таъкидланишича, мазкур терапия касалликни енгил шаклда ўтказаётган беморлар учун тавсия этилмайди.
Аввалроқ ЖССТ кортикостероид дексаметазондан фойдаланиш янги коронавирус сабаб юзага келган хасталикка чалинган беморлар орасида ўлим кўрсаткичини камайтириши аниқланган Буюк Британиянинг “Recovery” клиник тадқиқоти натижаларини «илмий ютуқ» деб атаган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг