Фото: Халқ сўзи

Давлат хизматини ривожлантириш агентлиги Жиззах филиалида ўтказилган ёшлар билан учрашувда конституциявий ислоҳотларнинг зарурати ва моҳияти хусусида атрофлича сўз юритилди. Таъкидланганидек, бугун юртимиз ижтимоий-сиёсий ҳаётидаги қизғин жараёнга ёшларимизнинг бефарқ эмаслиги, ўзгариш ва янгиланишларга дахлдорлик ҳисси билан ёндашув кўникмаси шаклланиб бораётгани алоҳида эътирофга лойиқдир.

— Мамлакатимиз эртаси бўлган ёшларни ҳар томонлама қўллаб-қувватлаш, билимли, етук, салоҳиятли инсон сифатида камол топиши учун кўмаклашиш, ҳуқуқ ва эркинликларини ҳимоя қилишнинг ташкилий-ҳуқуқий асослари такомиллаштирилаётгани айни муддаодир, — дейди Жиззах вилоят “Келажак лидерлари” клуби президенти Дилшод Мирзаев. — Давлат хизматини ривожлантириш агентлиги Жиззах филиалида ёшларга “Ўзбекистон Республикаси Конституциясига ўзгартириш ва қўшимчалар киритиш тўғрисида”ги Конституциявий қонун лойиҳаси мазмун-моҳияти мутахассислар томонидан чуқур тушунтириб берилди.

Тадбирда Қонун лойиҳасининг 65-моддаси, 93-моддаси ва 105-моддасига киритилаётган ўзгариш ва қўшимчалар ёшларда кўпроқ қизиқиш уйғотди. Улар мутахассислардан ўзларини қизиқтирган саволларга жавоб олдилар.

Толибжон ЭРГАШЕВ, “Халқ сўзи”.