Янги Зеландия Россиянинг 9 фуқароси ва 18 корхонасига нисбатан санкция киритди
Иллюстратив фото
Янги Зеландия “Россиянинг Украинага қарши урушини қўллаб-қувватлаган” Россиянинг 18 корхонаси ва 9 фуқаросига нисбатан қўшимча санкциялар киритди. Бу ҳақда мамлакат ташқи ишлар вазири Нания Махута маълум қилди.
Дипломатнинг сўзларига кўра, янги чекловлар Россия Федерал хавфсизлик хизмати, Ташқи разведка хизматининг қатор раҳбарларига, шунингдек, Янги Зеландия расмийларига кўра, қурол ва ҳарбий технологияларни яратиш ва сотиб олиш билан шуғулланувчи фуқароларга тааллуқлидир.
Бундан ташқари, Янги Зелендия Россиянинг Украинадаги ҳаракатларида тўғридан-тўғри ҳарбий ёрдам кўрсатган Эрон фуқароларига ҳам санкциялар жорий этилади.
Шу йилнинг февраль ойида Янги Зеландия россиялик сиёсатчилар, ҳарбий хизматчилар ва бизнесменларга нисбатан санкциялар жорий қилган эди.
Аввалроқ, “Блоомберг” агентлиги Европа Иттифоқи Россияга қарши санкцияларнинг 11-пакети бўйича Россия орқали товарлар транзитини чеклаш имкониятини ўрганаётгани ҳақида хабар берганди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг