WADA Токио Олимпиадаси бўйича ўз ҳисоботини эълон қилди
WADA Бутунжаҳон антидопинг агентлигининг ушбу ҳисоботига кўра, Токио-2020 Олимпия ва Паралимпия ўйинларида жами 5125 нафар спортчидан допинг-синамалар олинган.
Бунда 2724 нафар спортчидан допинг-синама бир марта, 2401 нафар спортчидан эса допинг-синама икки марта олинган бўлиб, жами Ўйинлар иштирокчиларининг 35,4 фоизи тақиқланган моддаларга текширилган. Улардан 14 нафар спортчида допинг аниқланган.
Эслатиб ўтамиз, Токио Ўйинларидан бошлаб махсус Ўйинларолди допинг-тестлаш дастури жорий этилган бўлиб, унга кўра Ўйинлар бошланишидан 6 ой олдин олимпиада ва паралимпиадага лицензия олган спортчилар 4-6 марта допинг-синама топширишлари шарт. Фақатгина допинг-синамалари манфий натижа кўрсатган (яъни таркибида тақиқланган моддаси йўқ) спортчилар Ўйинларга қўйилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг