Уй шароитида таҳсил олаётган ўқувчиларга компьютер жамланмаси совға қилинди
«Маҳалла» хайрия жамоат фонди Тошкент вилояти бўлими томонидан вилоятининг олис ва чекка ҳудудларида уй таълимида таҳсил олаётган болажонлар ҳолидан хабар олиниб, уларга турли совғалар тақдим этиб келинмоқда.
Жумладан, 1 июнь — Халқаро болаларни ҳимоя қилиш куни бу борадаги ишлар янада кенг қулоч ёйди.
Сана муносбати билан бир қатор болажонлар, хусусан, Ангрен шаҳридаги 3-мактабнинг 7-синф ўқувчиси Муҳайё Мардонова, шунингдек, 18-мактабнинг 9-синф ўқувчиси Миразиз Маҳмудов, Оҳангарон туманилик Шаҳина Абдуманаппова ҳамда Хуршодбек Қўшдавлатов ҳолидан хабар олинди.
Эътиборлиси, уларнинг кўнглини кўтариш, қўллаб-қувватлаш мақсадида Фонд томонидан компьютер жамланмаси совға тариқасида топширилди.
Шодиёр Мутаҳаров, "Халқ сўзи".
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг