Твердаги Аэрокосмик мудофаа қўшинлари марказий илмий-тадқиқот институтида ёнғин юз берди. Ҳалок бўлганлар бор (Фоторепортаж)
Фото: mk.ru
Россиянинг Твер шаҳридаги Аэрокосмик мудофаа қўшинлари марказий илмий-тадқиқот институтида юз берган ёнғин оқибатида ҳалок бўлганлар сони етти нафарга етди
Бу ҳақда фавқулодда хизматлардаги манбага таяниб, «ТАСС» хабар бермоқда. «Айни дамда етти киши ҳалок бўлди», дейилади манбада.
Яна ўнлаб одамлар турли даражада тан жароҳати олгани айтилмоқда. Воқеа жойида 14 тез тиббий ёрдам бригадаси ва бошқа фавқулодда хизматлар ишламоқда. Ёнғинни ўчириш учун махсус вертолёт жалб этилган.
Маълум қилинишича, ёнғин майдони бир ярим минг квадрат метрни ташкил этган. Бинонинг том қисман қулаган. Мудофаа вазирлиги ёнғин маъмурий бинонинг иккинчи қаватида бошланганини билдирди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг