Тошкентда устунга бориб урилган «Spark» автомобили ёниб кетди
Тошкентда устунга урилган «Spark» автомобили ёниб кетди. Бу ҳақда Йўл ҳаракати хавфсизлиги бош бошқармаси хабар берди.
Маълумотларга кўра, 7 декабрь куни соат 19:40 атрофида Мирзо Улуғбек туманида 1990 йилда туғилган «Spark» русумли автомашина ҳайдовчиси бошқарувни йўқотиб, устунга бориб урилган, натижада автомобиль ёниб кетган.
Ёнғин ўт ўчирувчилар томонидан ўчирилди. Ҳодиса оқибатида жабрланган фуқаролар йўқ.
Мазкур ҳолат юзасидан суриштирув ҳаракатлари олиб борилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг