Toshkentda ustunga borib urilgan “Spark” avtomobili yonib ketdi
Toshkentda ustunga urilgan “Spark” avtomobili yonib ketdi. Bu haqda Yoʻl harakati xavfsizligi bosh boshqarmasi xabar berdi.
Maʼlumotlarga koʻra, 7-dekabr kuni soat 19:40 atrofida Mirzo Ulugʻbek tumanida 1990-yilda tugʻilgan “Spark” rusumli avtomashina haydovchisi boshqaruvni yoʻqotib, ustunga borib urilgan, natijada avtomobil yonib ketgan.
Yongʻin oʻt oʻchiruvchilar tomonidan oʻchirildi. Hodisa oqibatida jabrlangan fuqarolar yoʻq.
Mazkur holat yuzasidan surishtiruv harakatlari olib borilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring