Жорий йилнинг 24 июль куни соат 17:20 да, «1-Автобус саройи” филиали ҳайдовчиси А.Д (1995 йилда туғилган) “Ютонг” русумли, сарой рақами 020-бўлган электробусни 28-йўналишда Шайхонтоҳур тумани, А.Навоий кўчасида махсус А йўлак бўйлаб бошқариб бораётган вақтда, электробуснинг чап тарафида ҳаракатланиб кетаётган “Nexia-3» русуми давлат рақами 01|С 103 ДБ бўлган енгил автомобиль йўл ҳаракати қоидасини қўпол равишда бузиб, йўлнинг 2-қатнов қисмидан ҳаракатини кескин ўнгга буриб, хавфли ҳолатни келтириб чиқарган. “Nexia-3» русуми енгил автомобилнинг ушбу кескин хатти-ҳаракати(манёври) натижасида бўладиган йўл-транспорт ҳодисасини олдини олиш мақсадида, электробус ҳайдовчиси А.Д кескин тормоз олишга мажбур бўлган. Натижада электробус салонида тик турган ҳолда кетаётган йўловчилардан бири (шахси ҳозирча маълум эмас) йиқилган. Йўловчига тез тиббий ёрдам кўрсатиш мақсадида, тез ёрдам чақирилган ва электробус чиптачиси ҳамроҳлигида йўловчи шифохонага олиб кетилган.

Ҳозирда мазкур йўл-транспорт ҳодисаси Тошкент шаҳар Ички ишлар бош бошқармаси Йўл ҳаракати хавфсизлиги бошқармаси томонидан белгиланган тартибда расмийлаштирилган бўлиб, хизмат суриштируви ўтказилмоқда.