Тошкент вилоятида тамаки қутисида гиёҳвандлик воситалари сақлаган шахс ушланди
Гиёҳвандлик воситаларининг божхона чегараларидан ҳар қандай усулда киришга қарши божхона органлари томонидан тизимли тарзда кураш олиб борилмоқда.
Юртимизга ўтиш учун “Ойбек” чегара божхона постига кириб келган фуқаро бошқарувидаги “Тойота” русумли автотранспорт воситаси божхона кўригидан ўтказилганида, автоуловнинг салонида бўлган “ESSE CHANGE” номли тамаки қутисининг ичидан, 0.31гр. “гашиш” гиёҳвандлик воситаси борлиги аниқланди.
Яна бир ҳолатда, “Ойбек” чегара божхона пост орқали юртимизга қўшни мамлакатдан кириб фуқаро шахсий кўрикдан ўтказилди.
Ўтказилган шахсий кўрик натижасида, фуқаронинг эгинидаги курткасининг ички қисми чўнтагидан оқ қоғозга ўралган 0,18 грамм “марихуана” гиёҳвандлик моддаси борлиги аниқланди.
Ҳозирда ҳолат юзасидан божхона органлари томонидан терговга қадар текширув ҳаракатлари олиб борилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг