Тошкент вилоятида сифатсиз Аи-92 бензини сотилгани аниқланди
Тошкент вилоятида сифатсиз нефть маҳсулотини сотувга чиқарган АЁҚШга нисбатан жарима қўлланилди. Бу ҳақда Электр энергияси, нефть маҳсулотлари ва газдан фойдаланишни назорат қилиш инспекцияси хабар берди.
Маълум қилинишича, Тошкент вилоятида фаолият юритаётган «Х.» МЧЖга қарашли АЁҚШда сотилаётган Аи-92 маркали автобензин «Ўзэнергоинспекция» томонидан тегишли тартибда лаборатория таҳлилидан ўтказилган.
Таҳлил натижаларига кўра, Аи-92 маркали автобензин давлат стандарт талабларига мос келмаслиги (сифатсизлиги) аниқланган.
Ушбу шохобчада реализация қилинган 5 962 литр автобензин қийматининг 50 фоизи миқдорида жарима қўлланилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг