Тошкент шаҳрида футбол муносабати билан айрим кўчалар ёпилади
Ўзбекистон ва Қирғизистон терма жамоалари ўртасида футбол учрашуви ўтказилиши муносабати билан Чилонзор туманининг айрим кўчаларида соат 17:00 дан соат 23:30 гача бўлган вақт оралиғида автотранспорт воситалари ҳаракати вақтинчалик чекланади. Бу ҳақида Тошкент шаҳар ҳокимлиги Матбуот хизмати хабар берди.
Унга кўра, Чилонзор ва Чўпонота кўчалари чорраҳасидан, Чўпонота кўчаси бўйлаб, Чўпонота — Қатортол кўчалари кесишган чорраҳасигача бўлган қисми ҳамда Бунёдкор иккинчи даражали кўчасидан — Чўпонота кўчасигача бўлган қисми соат 17:00 дан соат 23:30 гача бўлган вақт оралиғида автотранспорт воситалари ҳаракати вақтинчалик чекланади.
«Юзага келаётган ноқулайликлар учун узр сўраймиз ва айланма йўллардан фойдаланишни тавсия қиламиз», — дейилади ҳокимлик хабарида.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг