«Толибон» ҳаракати афғонларнинг Кобул аэропортига киришига тўсқинлик қилмоқда — ОАВ
Фото: AP
«Толибон» ҳаракати афғонистонликларнинг пойтахт аэропортига киришига тўсқинлик қилмоқда.
«Толибон» Кобул аэропортига борувчи йўлларни тўсиб қўйди», дейилади «Ал-Арабия» телеканали хабарида.
Манбага кўра, бу орқали «Толибон» фуқароларга пойтахт аэропортига киришга рухсат бермаяпти.
«Толибон» 15 август куни бутун Афғонистон ҳудуди устидан назоратни эълон қилди. Мамлакатда бошқарув ўзгарганидан кейин мамлакатни тарк этмоқчи бўлган одамлар оқими ортди. Натижада Кобул аэропортида бетартибликлар кузатилди.
Ғарб ОАВ америкалик ҳарбийлар тартибни сақлаш учун ҳавога ўқ узганини хабар қилди. Интернетда, шунингдек, аэропортга етиб кела олмаган аёллар ўз фарзандларини эвакуация қилиш учун Америка ҳарбийларига топширгани тасвирланган лавҳалар ҳам тарқалди.
Ўз навбатида, «Спутник» радиоси АҚШнинг Кобулдаги элчихонаси аэропортга боришда хавф борлиги огоҳлантиргани ҳақида хабар тарқатди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг