Тадбиркорлар учун катта рағбат ва имконият
Олий Мажлис Қонунчилик палатасининг мажлиси кун тартибидаги навбатдаги масала «Ўзбекистон Республикасининг «Валютани тартибга солиш тўғрисида»ги Қонунига қўшимча ва ўзгартириш киритиш ҳақида»ги қонун лойиҳаси бўлди.
Мазкур қонун лойиҳаси билан, тадбиркорларнинг экспорт салоҳиятини янада кенгайтириш мақсадида бир экспорт шартномаси доирасида келиб тушмаган маблағларнинг 5 фоизигача бўлган қисми учун жарима қўлламаслик таклиф қилинмоқда.
Депутатларнинг фикрича, қонун лойиҳасига киритилаётган қўшимча ва ўзгартиришлар тадбиркорлар учун катта рағбат ва имконият бўлиб, ушбу лойиҳанинг қабул қилиниши тадбиркорлик субъектларининг экспорт фаолиятини қўшимча равишда қўллаб-қувватлашга хизмат қилади.
Муҳокамалар давомида депутатлар қонун лойиҳаси юзасидан ўз фикр-мулоҳазаларини, таклифларини билдирди. Лойиҳадаги айрим нормалар бўйича асосли саволлар кўтарилди ва уларга батафсил жавоблар олинди.
Қонун лойиҳаси депутатлар томонидан қабул қилинди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг