Жорий йилнинг 10 ноябрь куни Ўзбекистон Республикаси мудофаасига кўмаклашувчи “Ватанпарвар” ташкилоти Марказий кенгаши томонидан “Ватанпарвар” ташкилотида спортнинг техник ва амалий турларини ривожлантириш истиқболлари: муаммо ва ечимлар” мавзусида илмий-амалий конференция ўтказилди. Бу ҳақда Ўзбекистон Республикаси мудофаасига кўмаклашувчи “Ватанпарвар” ташкилоти хабар берди.

Конференциядан кўзланган асосий мақсад давлат ва жамоат ташкилотлари ҳамда “Ватанпарвар” ташкилоти ўртасида спортнинг техник ва амалий турларини ривожлантириш ва чақирилувчилар орасида оммавий спорт ишларини ташкил етиш бўйича ўзаро ҳамкорлик ишларини янада кучайтириш, спортнинг техник ва амалий турларини янада оммалаштириш бўйича истиқболдаги қўшимча чора-тадбирларни белгилаб олишдан иборат.

“Ватанпарвар” ташкилотининг 32 йиллиги муносабати билан ташкил етилган ушбу тадбирда Ўзбекистон Республикаси Ёшлар сиёсати ва спортни ривожлантириш вазирлиги, Ёшлар ишлари агентлиги, Ўзбекистон давлат жисмоний тарбия ва спорт университети, Жисмоний тарбия ва спорт бўйича мутахассисларни қайта тайёрлаш ва малакасини ошириш институти ҳамда ”Ватанпарвар” ташкилоти Марказий кенгаши раҳбарияти ва ҳудудий кенгашларининг раислари иштирок етдилар.

Конференцияда иштирок етган вазирлик ва идораларнинг масъул ходимлари ушбу ташкилотларда фуқаролар, айниқса ёшлар ўртасида соғлом турмуш тарзини тарғиб етиш, уларни жисмоний маданият ва спортга кенг жалб етиш бўйича амалга оширилаётган ишлар тўғрисида маъруза қилиб, ушбу соҳада “Ватанпарвар” ташкилоти билан мустаҳкам ҳамкорликда иш олиб бориш бўйича ўз таклиф ва мулоҳазаларини билдирдилар.

Тадбир иштирокчилари, шунингдек, сўнгги уч йилда “Ватанпарвар” ташкилоти спортчилари томонидан автокросс, мотокросс, картинг, дуатлон, триатлон, ёзги биатлон, пневматик қуролдан ўқ отиш, моделчилик каби спортнинг техник ва амалий турлари бўйича ўтказилган Ўзбекистон, МДҲ, Осиё ва жаҳон чемпионатларида юқори ўринларни эгаллаганликларини юксак эътироф етдилар. Биргина мисол, 2023-йилнинг 9 ойи давомида ташкилот спортчилари Ўзбекистон миллий жамоалари таркибида 7 та халқаро спорт мусобақаларида фаол иштирок етиб, шундан 17 та олтин, 12 та кумуш ва 20 та бронза, жами 49 та медалларни қўлга киритдилар.

Конференция якунида вазирлик ва идоралар ҳамда “Ватанпарвар” ташкилоти ўртасида ҳамкорликда спортнинг техник ва амалий турларини ривожлантириш ва чақирилувчилар иштирокидаги оммавий спорт ишларини ташкил етиш бўйича чора-тадбирлар белгилаб олинди.

Шунингдек, тадбир доирасида ташриф буюрувчиларга ”Ватанпарвар” ташкилоти Марказий кенгаши биноси ҳовлисида ташкилот тизимидаги спорт секциялари ва тўгаракларининг кўргазмалари намойиш етилди. Айниқса, замонавий “Моҳир мерган” пневматик қуролдан ўқ отиш кўчма тири” лойиҳаси тақдимоти барчада катта таассурот қолдирди. Ушбу янги лойиҳани йўлга қўйишдан мақсад маҳаллалар ва умумтаълим мактабларида ёшлар ўртасида спортнинг пневматик қуролдан ўқ отиш тури бўйича мусобақаларни юқори савияда ташкил етишдан иборатдир.