Шимолий Корея хакерлари номаълум вирус ёрдамида бутун дунё бўйлаб минглаб компанияларга ҳужум қилмоқда
Фото: Иллюстратив сурат
Ахборот хавфсизлиги бўйича мутахассислар «3CX Phone»нинг «VoIP»- телефони (симли телефон линияси) иловалари фойдаланувчиларига ҳужуми ҳақида хабар беришди.
Ҳужумчилар ушбу иловалардан фойдаланувчиларга зарар етказиши мумкин бўлган троян кодини киритишган. Ушбу ҳужум, ҳақиқий «3CX» сертификати билан имзоланган «VoIP» иловаларига зарарли «DLL» ларни киритиш орқали бошланган.
Шимолий Кореянинг «Labyrinth Chollima» хакерлар гуруҳи, троян вирусини бутун дунё бўйлаб 600 000 дан ортиқ компаниялар фойдаланадиган «Windows» ва «macOS» учун «3CХ» иловаларига бирлаштиришган.
Мутахассисларнинг таъкидлашича, миллионлаб фойдаланувчилар хавф остида бўлиши мумкин, чунки «3CХ» иловалари бутун дунё компаниялари, жумладан «American Express, Mercedes-Benz, Price Waterhouse Cooper» ва бошқалар томонидан қўлланилади. Иловаларнинг жорий йилнинг март ойида чиқарилган версиялари катта хавф туғдириши мумкин.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг