Сайловга бойсунлик келин-куёв ҳам келди
Фарҳод ЭСОНОВ/«Халқ сўзи». Бойсунлик ёш келин-куёв Ўрол Норқулов ва Сарвиноз Халилова тумандаги 11-сайлов участкасида ўзлари муносиб деб танлаган номзодларга овоз берди.
— Бугунги кун ҳар биримиз учун энг муҳим палла ҳисобланади, — дейди Ўрол Норқулов. — Аслида ўз келажагимиз, хоҳиш-истакларимизни белгилаяпмиз. Танлаган сиёсий партиям — номзодим ғалаба қозонишини истайман. Чунки унинг дастури истакларимга мос. Ҳаммаси шаффоф, қонун доирасида ўтмоқда. Ҳатто рафиқам ҳам кимга овоз беришини олдиндан менга айтмади.
Сайлов участкаси масъуллари ёш келин-куёвга китоблар жамламасини совға қилишди.
Сиёсий жараён қизғин давом этмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг