“Робинзон Крузо” ва унинг турмуш ўртоғи ҳам коронавирусни юқтириб олгани маълум бўлди
АҚШлик машҳур актёр, “Форест Гамп”, “Оддий аскар Райанни қутқариш”, “Қочқин”(“Робинзон Крузо” фильмининг замонавий талқини), “Гудзондаги мўъжиза” каби буюк киноасарларда бош ролни ижро этган Том Хэнкс ўзи ва турмуш ўртоғи Рита Уилсон коронавирусга чалинганини маълум қилди.
“Салом дўстлар. Рита билан биз ҳозир Австралиядамиз. Биз ўзимизни хорғин, шамоллагандек ҳис қилдик, яна танада оғриқ пайдо бўлди. Ританинг вақти-вақти билан эти увишяпти. Ҳозир зарур бўлганидек, ҳаммаси тўғри бўлиши учун бизни коронавирусга текширишди, натижа ижобий бўлиб чиқди”, — деб ёзади Голливуд юлдузи Твиттердаги саҳифасида.
Маълумот учун, кеча ЖССТ янги коронавирус тарқалиши пандемия даражасига етганини эълон қилганди.
Бугунга келиб дунёдаги 100дан ортиқ давлатда 120 мингга яқин киши ушбу касалликни юқтириб олган. Улардан кўпчилиги соғайиб кетган бўлса-да, 4 мингдан зиёд инсон ҳаётдан кўз юмди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг