Қозоғистоннинг биринчи президенти, спикер ва яна икки раҳбар коронавирусдан тузалди
Қозоғистоннинг биринчи президенти Нурсултон Назарбоев, мамлакат парламенти спикери Нурлан Нигматулин COVID-19дан тузалди. Улар даволаниш курсини муваффақиятли ўтказгани айтилмоқда. Сабаби шундан сўнг топширган тестлари манфий натижа берган. Бу ҳақда Спутник маълум қилди.
Элбоши врачлар тавсиясига кўра, ўзини-ўзи яккалаш режимида бўлиб, масофадан ишлашни давом эттирмоқда.
Нигматулин ҳам икки ҳафтадан ортиқ вақт давомида изоляцияда яшади ва у ҳам масофадан ўз фаолиятини давом эттирди.
Энди спикер назарий жиҳатдан бошқа депутатлар каби таътилга чиқади.
Бундан ташқари, мамлакат бош вазири ўринбосари Ерали Тугжанов ҳам касалликни енгган. У коронавирус тарқалишига йўл қўймаслик бўйича идоралараро комиссиянинг раиси ҳам ҳисобланади.
Олмаота шаҳри бош шифокори Камалжан Надиров ҳам коронавируснинг оғир формасини бошдан ўтказган бўлса-да, врачлар тавсиясига риоя этгани учун тузалиб кетган. У айни пайтда стационарда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг