«… қийин, аммо самарали бўлди» — Россия делегацияси раҳбари Женевада ўтган Россия ва Украина музокараларига изоҳ берди
Иллюстратив фото
Шу йилнинг 17-18 февраль кунлари Женевада Россия, Украина ва АҚШ делегациялари иштирокида Украина можаросини ҳал қилиш бўйича музокаралар бўлиб ўтди
Россия президентининг ёрдамчиси, рус делегацияси раҳбари Владимир Мединский музокаралар қийин, аммо самарали бўлгани айтди.
«Маълумки, музокаралар икки кун давом этди, кеча жуда узоқ вақт, турли форматларда ва бугун ҳам тахминан икки соат давом этди. Улар қийин, аммо самарали бўлди», — деди Мединский.
У шунингдек, яқин орада Украина бўйича янги учрашув бўлиб ўтишини таъкидлади.
Аввалроқ, Санкт-Петербург давлат университети Халқаро муносабатлар факультети Европа тадқиқотлари кафедраси профессори Станислав Ткаченко Россия, Украина ва АҚШ ўртасидаги 23-24 январь ва 4-5 февраль кунлари Абу-Дабида бўлиб ўтган уч томонлама учрашувлар Киевнинг қуролли можарони ҳал қилиш бўйича музокаралар олиб бориш қобилиятига таъсир кўрсатганини айтган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг