Польша ўқ-дорилар ишлаб чиқариш бўйича Европада етакчига айланиб олди
Фото: ПАП
Польшанинг PGZ ҳарбий концерни ўқ-дорилар ишлаб чиқариш бўйича Европада етакчига айланиб олган. Бу ҳақда концерн раҳбари Себастян Хвалек "ПАП" агентлигига берган интервьюсида маълум қилди.
“Ишончим комилки, биз нафақат Европа ўқ-дорилар бозорида етакчи бўлиш имкониятига эгамиз, балки аллақачон бу борада етакчимиз”, — деди у. Хвалекнинг қўшимча қилишича, бу ички бозор бўйича Европа комиссари Терри Бретоннинг Польшага ташрифи билан тасдиқланган. Терри Бретон шу йилнинг март ойида ўқ-дорилар ишлаб чиқарувчи Европа мамлакатларига ташриф буюрган эди.
Концерн раҳбарининг айтишича, Бретон ташриф чоғида Польша энг йирик ишлаб чиқариш қувватларидан бирига эга эканлигини ва Европа Иттифоқи харидлари учун ўқ-дориларни етказиб беришда муҳим роль ўйнашини таъкидлаган.
Аввалроқ, Польша мудофаа вазири Мариуш Блашчак икки йил ичида мамлакат қуроли кучлари Европадаги энг кучли армияга айланишини билдирганди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг