Пичоқланган Бразилия президенти яна касалхонага ётқизилди — CNN
Фото: РИА «Новости»
Бразилия президенти Жаир Болсонару 3 январь куни эрталаб Сан-Паулудаги Vila Nova Star касалхонасига ётқизилган. Бу ҳақда "CNN Brasil" хабар бермоқда.
Сиёсатчи 2018 йилда пичоқланганида олган жароҳатидан кейин даволаган жарроҳ Антонио Луис Македонинг сўзларига кўра, Болсонаруда ичакларида муаммолар борлиги гумон қилинмоқда. Ташхисни тасдиқлаш учун қўшимча текширувлар талаб этилади.
Телеканал хабарига кўра, президент кортежи касалхонага тунги соат иккиларда етиб келган. Бунгача у рафиқаси Мишел ва қизи Лаура билан Санта-Катарина штатида бўлган. У ердан давлат раҳбари вертолётда Сан-Паулу олиб келинган.
2018 йилда Жаир Болсонару сайлов кампанияси вақтида пичоқ билан ҳужумга учраган. Ўшанда олган жароҳати туфайли у шу пайтгача беш марта касалхонага ётқизилди. Сиёсатчи охирги марта 2020 йилнинг 14 июль куни касалхонага мурожаат қилган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг