Ўзбекистонда Миллий координаталар тизимини жорий этиш тартиби белгиланди
Фото: Муҳсин Умурзоқов / «Халқ сўзи»
Ҳукуматнинг 2026 йил 10 февралдаги 49-сон қарори билан «Ўзбекистон Республикаси Миллий координаталар тизими тўғрисида»ги низом тасдиқланди.
Ҳужжатга кўра, Миллий координаталар тизими қуйидаги асосий таркибий қисмлардан иборат бўлади:
• Миллий геодезия референс датуми;
• Ер гравитация майдонининг глобал модели;
• Миллий координаталар тизимининг бошланғич ноль нуқтаси;
• Давлат геодезия тармоғи пунктлари каталоглари;
• Миллий координаталар тизими маълумотлар базаси.
Миллий координаталар тизимининг бошланғич ноль нуқтаси Самарқанд вилояти Самарқанд шаҳридаги Чўпонота тепалигида жойлашган Давлат геодезия пункти ҳисобланади.
EGM2008 Миллий координаталар тизимининг Ер гравитация майдонининг глобал модели ҳисобланади. Миллий координаталар тизими маълумотлар базасидан Миллий координаталар тизимининг веб-саҳифаси орқали фойдаланилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг