Ўзбекистон U-20 қизлар терма жамоаси Туркияга йўл олди
Фото: ЎФА
Бугун, 26 февраль куни Ўзбекистон U-20 қизлар терма жамоаси Туркия мамлакатига йўл олди. Бу ҳақда Ўзбекистон Футбол Ассоциациясининг расмий саҳифасида маълумот берилди.
«Ўзбекистон U-20 қизлар терма жамоаси ўқув-машғулот йиғинини ўтказиш учун Туркиянинг Анталия шаҳрига жўнаб кетди. Владимир Панов бошқарувидаги жамоамиз йиғин доирасида 3 та назорат учрашуви ўтказади», — дейилади федерация хабарида.
Қўшимча маълумотларга кўра, жамоа февраль ойидаги йиғин доирасида ўртоқлик турнирида иштирок этади. Ушбу турнирда Панов шогирдлари қуйидаги жамоаларга қарши майдонга чиқади:
• Россия — Ўзбекистон, 28 февраль;
• Ўзбекистон — Туркия, 3 март;
• Ўзбекистон — Марокаш, 6 март.
Эслатиб ўтамиз, Ўзбекистон U-20 қизлар терма жамоаси апрель ойида Таиланд мамлакатида ташкил этиладиган Осиё чемпионатида иштирок этади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг