Ўзбекистон Божхона қўмитаси вакиллари Бутунжаҳон божхона ташкилотининг ваколатли 77-сессияси иштирок этмоқда
Жорий йилнинг 16-20 март кунлари Бутунжаҳон божхона ташкилотининг штаб-квартирасида Ўзбекистон Божхона қўмитаси вакиллари Тимур Абзанов ва Юнус Заитов иштирокида Уйғунлаштирилган тизим қўмитасининг 77-сессияси бўлиб ўтмоқда.
Сессия доирасида айрим турдаги товарларни таснифлашга нисбатан турлича ёндашувларни ягона тизимга келтириш, Ўзбекистон Республикаси божхона хизмати томонидан Товарларни тавсифлаш ва кодлаштиришнинг Уйғунлаштирилган тизимига мувофиқ низоли товарларни таснифлаш бўйича киритилган таклифларни муҳокама қилиш, шунингдек сессия кун тартибига киритилган масалалар бўйича овоз бериш жараёнларида иштирок этилмоқда.
Айни пайтда ТИФ ТНнинг 2028 йилга мўлжалланган янги таҳрири ишлаб чиқилмоқда. Ушбу жараёнда Ўзбекистон фаол иштирок этиб, ташкилотдан энг сўнгги ўзгаришлар ҳамда норматив-ҳуқуқий ҳужжатларни такомиллаштириб бормоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг