Ўзбек тилини ўргатишга мўлжалланган китоб
Мамлакатимизнинг Мисрдаги элчихонаси инглиз тилида “Uzbek Language: Complete Self-Study Guide in 22 Lessons” қўлланмасини чоп этди.
Ушбу элчихона масъул ходими Отабек Алимов муаллифлигидаги мазкур қўлланма ўзбек тилини соддалаштирилган услубда ўргатишга мўлжалланган.
Маълумотларга кўра, инглиз тилидаги нашр 400 нусхада чоп этилган бўлиб, элчихона томонидан ушбу китоб Мисрдаги кутубхоналар, ўзбек тилини ўрганаётган Қоҳира университети талабалари орасида тарқатилмоқда.
Бундан ташқари, Ўзбекистоннинг бошқа давлатлардаги элчихоналари орқали ўзбек тили ўқитиладиган хорижий университетларга ҳам етказиш режалаштирилган.
Ушбу китобда Ўзбекистон ва унинг қадимий шаҳарлари, буюк тарихий шахслари тўғрисида қизиқарли маълумотлар ҳам мавжуд.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг