Олимлар CОVID-19ни олдини олишнинг янги ва кутилмаган йўлини топишди
Кардифф университети олимлари тадқиқот ўтказишди ва унинг якунида оғиз чайиш воситаларидан фойдаланиш турли хил бактериялар ҳамда вируслар, шу жумладан, коронавирус инфекциясининг янги турини юқтириб олиш хавфини камайтиради деган хулосага келишди.
Бу ҳақда Express нашри хабар бермоқда.
Тадқиқот муаллифларининг таъкидлашларича, цетилпиридиния хлоридни ўз ичига олган оғиз чайиш воситалари оғиз бўшлиғида SARS-nCоv-2 вирусининг зарралари миқдорини камайтириши мумкин. Зеро, мутахассислар ушбу моддада вирусга қарши таъсирни қайд этишган.
Маълум қилинишича, мутахассислар машҳур оғиз чайиш воситаларининг таъсирини уч ой давомида ўрганишган ва бундай суюқликлар CОVID-19 билан курашишда ёрдам бериши мумкинлигини аниқлашган.
“Бироқ ушбу тадқиқот ҳали текширилиши керак”, демоқда нашр.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг