Минитрактор — саноат намунаси
Минитрактор саноат намунаси сифатида SAP 2674-сон билан давлат рўйхатидан ўтказилди ва ҳуқуқий муҳофазага олинди.
Бу ҳақда Адлия вазирлиги расмий телеграм саҳифасида маълум қилинди.
Унга кўра, минитракторнинг асосий белгиларидан бири — унинг ўлчамлари ва ғилдиракларининг ўзига хослиги ҳисобланади. Чунки ушбу хусусиятлар минитракторга барча турдаги қишлоқ ва уй хўжалиги ишларини бажаришда тўлиқ оғир вазнли тракторнинг ўрнини босиш имконини беради.
Минитракторнинг дизайни — ташқи кўриниши одатий тракторларни ёдга солади, бироқ ўлчам жиҳатидан улардан анча кичик ва ихчам. Буюмнинг ташқи кўринишини ифодалайдиган бадиий-конструкторлик ечими саноат намуналари жумласига киради.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг