Кон-геология вазири “Kalyon Holding” компанияси вакиллари билан учрашув ўтказди
Ўзбекистон Республикаси Тоғ-кон саноати ва геология вазири Б. Исламов Туркиянинг “Kalyon Holding” компанияси бошқарув кенгаши раисининг биринчи ўринбосари Л. Элван бошчилигидаги делегация билан учрашди.
Учрашувда ўзбек-турк муносабатларининг кенг қамровли стратегик шериклик даражасида эканлиги алоҳида қайд этилди ҳамда кон-геология соҳаси тармоқларига хорижий инвестицияларни жалб этиш масалалари муҳокама этилди.
“Kalyon Holding” компанияси 1974 йилда ташкил этилган. Ҳозирда қурилиш, энергетика ва электротехника саноати каби соҳаларда фаолият олиб боради.
Қатар, Россия, Ливия, БАА, Саудия Арабистони ва Ироқ каби давлатларда инфратузилма билан боғлиқ лойиҳаларни амалга оширган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг