Италия А сериясида сенсацион натижа
Кеча, 11 апрель куни футбол бўйича Италия А Сериясининг 32-тур ўйинлари давом эттирилди. Кун доирасидан ўрин олган баҳсда «Милан» жамоаси ўз майдонида «Удинезе» клубини қабул қилди.
Учрашув турнир жадвалида 11-ўринни эгаллаб турган жамоанинг 3:0 ҳисобидаги ғалабаси билан якунланди. Ўйинда ҳисоб 27-дақиқада очилди. «Милан» футболчиси Давиде Бартесаги ўз дарвозасига тўп киритиб қўйди. 37-дақиқада Юрген Эккеленкамп ҳисобни 2:0 кўринишига келтирди. Биринчи бўлим шу ҳисоб билан якунланди.
Иккинчи бўлимнинг 71-дақиқасида Артур Атта ўйиндаги сўнгги голни киритди. Шу тариқа ўйин 0:3 ҳисоби билан якунланди.
Ушбу мағлубиятдан сўнг «Милан» клуби турнир жадвалида «Наполи»ни қувиб ўтиб, иккинчи ўринга кўтарилиш имкониятидан айрилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг