Илк босқичдаёқ енгил вазн «титан»ларининг тўқнашуви
Фото: Миллий олимпия қўмитаси
Бугун Белград шаҳрида ўтказилаётган бокс бўйича жаҳон чемпионатининг иккинчи кун беллашувларига гувоҳ бўламиз. Унда 3 нафар ҳамюртимиз рингга кўтарилади.
Шубҳасиз, нафақат биз, балки кўплаб жаҳон бокси мухлисларининг нигоҳи -51 кг. вазн тоифасида илк босқичдаёқ тўқнаш келган ҳамюртимиз Ҳасанбой Дўсматов ва қозоғистонлик Сакен Бибосинов қарама-қаршилигига қаратилади.
Эслатиб ўтамиз, Дўсматов «Рио — 2016» олимпиадасида олтин медални, Бибосинов яқинда якунига етган «Токио — 2020» олимпиадасида бронза медалини қўлга киритган.
Шунингдек, бугун Одилжон Аслонов (-80 кг.) ва Саиджамшид Жафаров (-75 кг.) ҳам дастлабки баҳсларини ўтказади.
Маълумот учун: -80 кг: Одилжон Аслонов — Юсуф Чангалавей (Танзания) (19:20 дан сўнг, Б ринг);
-51 кг: Ҳасанбой Дўсматов — Сакен Бибосинов (Қозоғистон) (21:00, А ринг).
-75 кг: Саиджамшид Жафаров – Л.Фернеза (Словакия) (23:05дан сўнг, Б ринг)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг