Гурбангули Бердимуҳамедов ўзининг туғилган кунига машҳур Ғарб юлдузларини таклиф қилди
Архив сурат
Туркманистоннинг собиқ президенти Гурбангули Бердимуҳамедов 65 ёшини бутун дунёдан келган мусиқачилар даврасида нишонлаган.
"Хроника Туркменистана"нинг ёзишича, америкалик репер Акон, швед ди-жейси Др. Албан, рус эстрадаси Артик&Асти дуэти ва қўшиқчи Эмин Агаларов, бундан ташқари, тунислик қўшиқчи Амани Суисси ва БААлик санъаткор Балкис Аҳмад Фатҳи унинг туғилган кунига чиқиш қилган.
Маълум қилинишича, тадбирга кириш ҳамма учун очиқ бўлган. Расмийлар томошабинларга қулайлик яратиш мақсадида махсус автобус йўналишини йўлга қўйган.
Аввалроқ Бердимуҳамедов мамлакатнинг Ахал вилоятининг янги пойтахти Ахалдаги қурилиш ишларини кўздан кечирган эди.
Сиёсатчи шаҳарнинг бош режаси ва қурилаётган циркнинг ички дизайни вариантлари билан танишган. У цирк интерьерини безашда туркман отларининг хусусиятларини ҳисобга олиш ҳақида кўрсатма берган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг