Германия жанубида поезд ҳалокатга учради. Қурбонлар бор
Фото: NetworkPictures
Германия жанубида поезднинг рельсдан чиқиб кетиши оқибатида камида уч киши ҳалок бўлган. Бу ҳақда маҳаллий "Bild" нашри хабар бермоқда.
Нашрнинг ёзишича, Гармиш-Партенкирхендан Мюнхен йўналишида кетаётган поезд рельсдан чиқиб кетган. Оқибатда бир неча вагон ағдарилиб кетган. Камида уч киши ҳалок бўлган, оғир тан жароҳати олган йўловчилар ҳам бор.
Ушбу фавқулодда ҳодиса сабаб Гармиш-Партенкирхен ва Оберау ўртасидаги темир йўл ёпиб қўйилган. Ҳодисага нима сабаб бўлгани ва поездда қанча йўловчи бўлгани ҳозирча номаълум.
Аввалроқ Ҳиндистон шарқидаги Ғарбий Бенгалия штатида йўловчи поезди рельсдан чиқиб кетган эди. Натижада ўнлаб одамлар ағдарилиб кетган вагонлар ичида қолиб кетган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг