Кадастр агентлиги органлари томонидан жорий йил 1-ярмида 31 134 ҳолатда ҳуқуқбузарликлар аниқланган. Бу ҳақда Кадастр агентлиги хабар берди.

Қайд этилишича, ҳуқуқбузарликни биринчи марта содир этган, ўзбошимчалик билан эгалланган ер участкасини қайтарилишини таъминлаган ва унинг оқибатларини бартараф этган 10 199 нафар шахс жами 88 млрд 434 млн сўм маъмурий жарималардан озод этилди.

Шунингдек, ҳуқуқбузарлик содир этган 17 259 нафар шахсга нисбатан маъмурий жарималар қўлланилди.

Жумладан:

5 783 нафар шахс кўчмас мулкка бўлган ҳуқуқларни ўз вақтида давлат рўйхатидан ўтказмаганлиги учун;

3 959 нафар шахс ер участкаларини ўзбошимчалик билан эгаллаб олганлиги учун;

6 335 нафар шахс ўзбошимчалик билан эгаллаб олинган ер участкасида қурилиш ишларини амалга оширганлиги учун маъмурий жавобгарликка тортилди.

«Ер ресурсларини талон-тарож қилган ва суғориладиган ерларни қурилиш қилган ҳолда ўзбошимчалик билан эгаллаб олган 1 046 нафар шахсга нисбатан тўпланган материаллар прокуратура органларига юборилди. Натижада 418 та ҳолат бўйича жиноят ишлари қўзғатилди», дейилади хабарда.