Францияда иккинчи тур сайловлари бўлиб ўтади
Фото: Спутник
Францияда Президент сайлови бўлиб ўтмоқда. Сайлов бюллетенларининг 95 % фоизи санаб бўлинди. Дастлабки натижаларга кўра Эммануэл Макрон 27,24 фоиз овоз тўплаган.
Ундан кейинги ўринда «Миллий ралли» ўнг партиясидан номзод Марин Ле Пен 24,03 фоиз овоз тўплагани маълум бўлди.
Учинчи ўринни «Забт этилмаган Франция» мухолифатчи партияси етакчиси Жан-Люк Меланшон (21,57 фоиз) эгаллаган бўлса, тўртинчи ўринни «Реконкиста» партиясининг етакчиси Эрик Земмур банд этган (6,97 фоиз). Бешинчи поғона Ил-де-Франс тумани раҳбари, «Республикачилар» консерватив партиясидан номзод Валери Пекрессга насиб этди (4,76 фоиз).
Овоз беришда сайловчиларнинг 65 фоизга яқини иштирок этган. Иккинчи тур сайлов 24 апрелда бўлиб ўтади. Экзит-полларга кўра Ле Пен амалдаги президент Макроннинг асосий рақиблигича қолмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг