Европада пандемиядан чиққан биринчи давлат маълум бўлди
Фото: Интерфакс
Словения ҳукумати инфекция тарқалишининг камайиши сабабли мамлакатда коронавирус эпидемияси тугаганини эълон қилди, дея хабар бермоқда “Reuters” ахборот агентлиги.
“Ҳукумат пайшанба куни ўтказилган онлайн йиғилишда CОVID-19 коронавируси сабаб 2020 йил 12 мартда эълон қилинган эпидемия тўхтаганлигини маълум қилади. Миллий соғлиқни сақлаш институти олинган маълумотлар аҳоли орасида коронавирус тарқалишининг камайганлигидан далолат бераётганини тасдиқлади“, — дейилади хабарда.
Сўнгги икки ҳафта давомида мамлакатда ҳар куни еттидан кам “CОVID-19“ билан зарарланиш ҳолати қайд этилган. Ўтган кунда эса ташхис фақат бир кишида тасдиқланган.
Шу муносабат билан Словенияда баъзи чекловлар юмшатилган. 18 майдан бошлаб савдо марказлари, кафе, ресторан, меҳмонхоналар ишга туширилади.
Сўнгги маълумотларга кўра, Словенияда 1464 киши коронавирус инфекциясини юқтирган. Шундан 1091 нафари тузалган. 103 нафар бемор вафот этган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг