Эски Яккабоғда йирик қуёш электр станцияси қурилмоқда
Фото: “Халқ сўзи”
Яккабоғ туманининг Эски Яккабоғ маҳалласида 5 МВт қувватли қуёш электр станцияси қурилишига старт берилди.
“Green Energy Yakkabog” масъулияти чекланган жамияти томонидан амалга оширилаётган лойиҳанинг умумий қиймати 5 миллион АҚШ долларини ташкил этади.
— Айни вақтда Хитойдан қиймати 1 миллион АҚШ доллари қийматидаги қуёш панеллари ва ускуналарни олиб келиб, маҳалла ҳудудидаги 11,5 гектар адирликка ўрнатишни бошладик, — дейди тадбиркор Масрур Бадалов. – Жорий йил якунига қадар лойиҳанинг 1 МВт қувватга эга бўлган қисми ишга туширилиши режалаштирилган. 2025 йилнинг биринчи чораги якунига қадар эса 5 МВт қувватли қуёш электр станцияси тўлиқ қуриб битказилади.
Жаҳонгир БОЙМУРОДОВ, “Халқ сўзи”.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг