Фото: www.google.com

АҚШ маъмурияти 24 февралдан АҚШда доимий яшашга рухсат беришнинг (грин-карта) янги қоидаларини жорий этиши мумкин, бу эса давлат нафақаларига суянадиган чет элликлар учун жараённи қатъийлаштиради. Бу ҳақда Оқ уй матбуот хизмати берган баёнотда айтилади.

Жума куни АҚШ Олий суди ушбу қоидаларни Иллинойс штатида бекор қилиш талаб қилинган сўнгги даъвони рад этди. “Биз Олий суднинг жума куни “жамият учун юк“ қоидаларини ҳаётга жорий этиш бўйича охирги суд тақиқларининг бекор қилганидан мамнунмиз. Натижада Ички хавфсизлик вазирлиги ушбу қоидаларни душанба кунидан бошлаб амалга ошира бошлайди”, — дейилади баёнотда.

Эслатиб ўтамиз, аввалроқ 2019 йил октябрь ойининг ўрталаридан кучга кириши керак бўлган фармойиш Нью-Йорк суди томонидан тўсиб қўйилган эди.

Таклиф этилаётган қоидаларга мувофиқ, грин-карта олиш учун аризани кўриб чиқишда Medicaid имтиёзли тиббий суғуртасидан фойдаланиш, озиқ-овқат талонларини олиш дастурида иштирок этиш ва имтиёзли уй-жой сотиб олиш салбий омиллар ҳисобланади.

Шунингдек, “жиддий даволанишни талаб қиладиган“ ва “чет эл фуқаросининг ўзини-ўзи таъминлаши, мактаб ёки ишга боришига тўсқинлик қилиши мумкин бўлган касаллик билан оғриган” одамларда ҳам доимий яшашга рухсатнома олишда муаммолар пайдо бўлиши мумкин.

Бундан ташқари, шахсий тиббий суғуртанинг йўқлиги ва меҳнат бозорига кириш учун инглиз тилини етарли даражада билмаслик ҳам салбий ҳолат ҳисобланади.